မြန်မာအစိုးရသစ်၏ နယ်စပ်ဆောင်ရွက်ချက်တိုးတက်မှုများ

မြ၀တီခရိုင်ရဲတပ်ဖွဲ့မှ မြ၀တီမြို့ရှိ မာဆတ်အနှိပ်ခမ်းများ၊ လောင်းကစားဝိုင်းများထံမှ တစ်လလျှင် ငွေ တစ်သိန်း ကောက်ခံ၍ လိုင်စင်မဲ့ ကားများအားလည်း ရဲအုပ်၊ ဒု-ရဲအုပ်နှင့် ဒု-ရဲမှူးတို့မှ လိုက်လံ စစ်ဆေးကာ တစ်စီးလျှင် ၃ သိန်း ၅ သိန်း အထိတောင်းယူလျှက်ရှိသည်။ ငွေအပေးအယူကို မြို့ပေါ်ရှိ စားသောက်ဆိုင်တို့ တွင် ချိန်းဆက်ပေးကြရကြောင်းနှင့် ကားပိုင်ရှင်တို့က ထိုကောက်ခံမှုအား လျှော့ပေါ့ရန် အသနားခံသော် လည်း ခရိုင်ရဲမှူးအား အတိအကျပြည့်ဝစွာ ပြန်အပ်ရသည့်အတွက် မလျှော့ပေးနှိုင်ဟုဆိုကြောင်း သိရသည်။

ခရိုင် ခရိုင်အေးချမ်းသာယာရေးနှင့်ဖွံ့ဖြိုးတိုးတက်ရေးကောင်စီ (ခယက)ဥက္ကဌမှလည်း ကားများကို ၎င်းကိုယ်တိုင် ခွင့်ပြုချက်လက်မှတ်များ ထုတ်ပေးပြီး လိုင်စင်မဲ့ကားများအား ၅ သိန်းယူ၍ တရားမ၀င်ကုန် များ တင်ဆောင်ထားသည့် ကားများအား သယ်ဆောင်လာသည့် ပစ္စည်းအပေါ်မူတည်၍ တစ်စီးလျှင် ၇ သိန်းမှ ၁၀ သိန်းအထိ တောင်းခံနေကြကြောင်း သိရသည်။ နယ်စပ်ကုန်သွယ်ရေးဇုန်မှလည်း ခယကနှင့် ပတ်သက်သည့်ကားများအား ကုန်သွယ်ရေးဇုန်အနောက်ဘက် ကိုက် ၁၅၀ ခန့် ရွှေ့ထားစေကြောင်း ကြားသိရသည်။

ကုန်သည်ကြီးများအဖွဲ့မှလည်း ခယက ရဲမှူး၊ နယ်စပ်ကုန်သွယ်ရေးဌာန (နကသ) တို့နှင့်ပေါင်း၍ ပုလင်းခွံ၊ ဗူးခွံသယ်သည့် ကားများအတွင်း ဂျပန်လုပ်ဇိမ်ခံ ကားငယ်များအား ထည့်သွင်းသယ်ဆောင်လျှက်ရှိကြ ကြောင်း သတင်းရရှိထားသည်။

တံတားကျိုး စစ်ဆေးရေးဂိတ်မှ အဖွဲ့စုံ ရဲ၊ ရဲထောက်လှမ်းရေး၊ စစ်တပ်တို့မှ ကားတစ်စီးလျှင် တစ်သောင်း နှစ်သောင်းတောင်းယူ၍ AK ဆောက်လုပ်ရေး၊ ပို့ဆောင်ရေးနှင့်ဆက်သွယ်ရေးဌာန (ပို့ဆက်)နှင့် မောင်းတံ ဂိတ်တို့မှ ငါးထောင် တစ်သောင်း အထိတောင်းယူနေကြကြောင်းလည်း ကားသမားများထံမှ ကြားသိ ရသည်။

နက ၁၁ မှ ကုန်သွယ်ရေးဇုန်တွင် ဒေသဖွံ့ဖြိုးရေးအကြောင်းပြပြီး လိုင်စင်မဲ့ကုန်ပစ္စည်းများတင်ဆောင်ထား သည့် ဟိုင်းလက်စ် ကားများထံမှ တစ်စီးလျှင် နှစ်သောင်းသုံးသောင်း တောင်းယူလျှက်ရှိကြောင်း ကား သမားများနှင့် ကုန်သည်များတို့ထံမှ သတင်းရရှိထားသည်။

မြ၀တီခရိုင်ရဲတပ်ဖွဲ့မှ စက်တင်ဘာလ (၆) ရက်နေ့တွင် ဖမ်းဆီးထားသောတရားမ၀င်ကား (Without) အစီး ၆၀ မှ ၁၂ စီးအား ဒုရဲမှူးမြင့်အေးနှင့် ဒုရဲအုပ်မောင်စန်းတို့အား တစ်စီးလျှင် ငွေသိန်းနှစ်ဆယ်ပေးကာ ပြန် လည်ထုတ်ယူခဲ့ကြရကြောင်း ကားဆရာ ကိုသူရ၏ ပြောပြချက်အရ သတင်းရရှိသည်။

အာရပ်လှိုင်းစီးသူများ

နေ့သစ်
အာရပ်နိုင်ငံတွေမှာ အောင်ပွဲခံခဲ့၊ အောင်ပွဲခံဖို့ အားထုတ်နေတဲ့ အာဏာရှင်အစိုးရဖြုတ်ချရေး တော်လှန်ရေးလှိုင်း ကို မြန်မာပြည်မှာလဲစီးဖို့ လိုလား ကြိုးစားနေကြသူတွေ မနည်းမနော ရှိနေပါတယ်။ အခုအခါ အာရပ်လှိုင်းကို ကမ္ဘာ့နိုင်ငံ ပေါင်း ၅၂ နိုင်ငံမှာ စီးခဲ့ပြီဖြစ်ပေမဲ့ ကမ္ဘာ့ဝါရင့်အာဏာရှင်နိုင်ငံ မြန်မာပြည် ကျန်နေပါသေးတယ်။ အခု ဆောင်းပါးမှာ အာရပ်လှိုင်းစီးခဲ့တဲ့နိုင်ငံတွေကို တတ်နိုင်သလောက် စာရင်းကောက်ထားပါတယ်။

၁။ ၂၀၁၀ ခုနှစ် ဒီဇင်ဘာ ၁၇ ရက်။ အရှေ့အလယ်ပိုင်းက အာရပ်နိုင်ငံတခုဖြစ်တဲ့ ကျူနီးရှားနိုင်ငံမှာ အာဏာရှင် လက်ပါးစေ ပုလိပ်မတယောက်ရဲ့ နှိပ်စက်မှုတွေကို မခံနိုင်တော့တဲ့အဆုံး ဘွဲ့ရအလုပ်လက်မဲ့ တဖြစ်လဲ ဟင်းရွက်စုံ တွန်းလှည်းသမားလေး မိုဟာမက် ဘွာဇီဇီ ဟာ ကိုယ့်ကိုယ်ကို မီးရှို့သတ်သေခဲ့ရာကနေ ကျူနီးရှားတော် လှန်ရေး ပေါက်ဖွားလာခဲ့ပြီး ၂၈ ရက်အကြာ ၂၀၁၁ ခု ဇန်နဝါရီ ၁၄ ရက်မှာ အာဏာရှင်သမတ ဘင်အလီ ထွက်ပြေး သွားတဲ့အတွက် ဒီမိုကရေစီလိုလားသူတွေ အောင်ပွဲရသွားခဲ့ပါတယ်။ ဒီလူထုတိုက်ပွဲအတွင်း လူ ၂၀၀ ကျော် ပစ်သတ် ခံခဲ့ရပါတယ်။

ဒီမိုကရေစီဆိုလို့ မူးလို့တောင်ရှူစရာမရှိဘဲ အာဏာရှင်တွေနဲ့ သက်ဦးဆံပိုင်ပဒေသရာဇ်တွေကြီးစိုးတဲ့ အာရပ်ကမ္ဘာ၊ အကြမ်းဖက်ဝါဒ အားပေးတယ်ဆိုတဲ့ အစ္စလမ်အာရပ်ကမ္ဘာမှာ ကြုံတောင့်ကြုံခဲ ဒီမိုကရေစီတော်လှန်ရေးတခု အောင် ပွဲခံသွားတာဟာ အာဏာရှင်တွေရဲ့ဖိနှိပ်ချုပ်ချယ်မှုတွေကို အံကြိတ်ခံနေရတဲ့ ဘဝတူအာရပ်နိုင်ငံတွေကို ဂယက်ရိုက် သွားခဲ့ပါတယ်။

၂။ ဒီလိုနဲ့ ၂၀၁၁ ခု ဇန်နဝါရီ ၂၅ ရက်မှာ အီဂျစ်တော်လှန်ရေး စခဲ့ပြီး ဖေဖော်ဝါရီ ၁၁ ရက်မှာ အာဏာရှင် မူဘာရတ် ရာထူးက ဆင်းပေးခဲ့လို့ ဒီမိုကရေစီသမားတွေ ပဏာမအောင်ပွဲ ရသွားခဲ့ပါတယ်။ လူပေါင်း ၉၀၀ နီးပါး အသက်ဆုံးခဲ့ ပါတယ်။

၃။ ဒီနောက် လစ်ဗျားနိုင်ငံမှာ အာဏာရှင်ကဒါဖီဆန့်ကျင်ရေး တော်လှန်ရေး ဖေဖော်ဝါရီ ၁၈ ရက်မှာစခဲ့ပြီး အာဏာ ရှင်ရဲ့ ရက်ရက်စက်စက်အကြမ်းဖက် သတ်ဖြတ်မှုကြောင့် လူထုတိုက်ပွဲ အဖြစ်ကနေ လက်နက်ကိုင်တိုက်ပွဲ အဖြစ် ပြောင်းလဲသွားပြီး ဒီကနေ့ထိ အာဏာရှင် နဲ့ ဒီမိုကရေစီဘက်သားတွေ အပြင်းအထန် လက်နက်ကိုင် တိုက်နေ ဆဲ ဖြစ်ပါတယ်။ အခုထိဆိုရင် လူပေါင်း ၁၃၀၀၀ လောက်သေခဲ့ပါပြီ။

၎။ မြန်မာပြည်ကရွှေ့ပြောင်းအလုပ်သမားတွေ တော်တော်များများရှိတဲ့ ဘာရိန်းကျွန်းနိုင်ငံလေးမှာလဲ ဖေဖော်ဝါရီ ၁၄ ရက်မှာ လူထုတိုက်ပွဲ စခဲ့ပါတယ်။ သက်ဦးဆံပိုင်ပဒေသရာဇ်ဘုရင် အယ်လ်ခါလီဖာက ရက်ရက်စက်စက် သတ်ဖြတ် နှိမ်နင်းတဲ့ကြားက ဇွဲနဘဲနဲ့ တော်လှန်ရေးလုပ်ခဲ့တဲ့အတွက် နောက်ဆုံးမှာ အိမ်နီးနားချင်းပဒေသရာဇ်နိုင် ငံတွေကို အ ကူအညီတောင်း၊ စစ်တပ်တွေခေါ်ပြီး မတ်လ ၁၄ ရက်မှာ အကြီးအကျယ်နှိမ်နင်းခဲ့ပါတယ်။ လူထုဆန္ဒပြ ပွဲတွေအတွင်းမှာ စစ်တပ်နဲ့ပုလိပ်တွေ ပစ်ခတ်နှိမ်နင်းမှုကြောင့် ဒဏ်ရာရသူတွေကို ဆေးကုပေးခဲ့တဲ့ ဆရာဝန်တွေ သူနာပြု ဆရာမ တွေကိုပါ ပဒေသရာဇ်အာဏာရှင်က ဖမ်းဆီးထောင်ချခဲ့ပါသေးတယ်။ လူ ၄၀ လောက် အသက်ဆုံး ခဲ့ပါတယ်။ မတန်တဆအင်အားနဲ့ နှိမ်နင်းခံရလို့ မတတ်သာဘဲ ငြိမ်နေရပေမဲ့ ဆက်တိုက်မယ့်အခြေအနေ ရှိပါတယ်။ ၅။ ယီမင်နိုင်ငံမှာလဲ ဇန်နဝါရီလလယ်မှာ အာဏာရှင် သမတ အလီဆာလယ် ကို တော်လှန်တဲ့ လူထုတိုက်ပွဲတွေ ပေါ် ထွက်လာခဲ့ပါတယ်။ သမတ ဆာလယ်ကလဲ ပြင်းပြင်းထန်ထန် ပစ်ခတ်သတ်ဖြတ်နှိမ်နင်းခဲ့လို့ အခုထိ လူပေါင်း ၁၀၀၀ လောက် အသတ်ခံခဲ့ရပြီး ဖြစ်ပါတယ်။ မေလထဲမှာတော့ တချို့နေရာတွေမှာ လူထုတိုက်ပွဲဟာ လက်နက်ကိုင် တိုက်ပွဲအဖြစ် ဖြစ်ထွန်းသွားခဲ့ပြီး အခုနောက်ဆုံးအခြေအနေကတော့ တိုက်ပွဲပုံစံ ၂ မျိုးပေါင်းစပ် တိုက်ပွဲဝင်နေတဲ့ သဘော ရှိပါတယ်။

ကျူနီးရှားနဲ့ အိဂျစ်လူထုတိုက်ပွဲတွေ အတိုင်းအတာတခုအထိ အေးအေးဆေးဆေးနဲ့ အောင်မြင်သွားပြီး အမေရိကန် ဆန့်ကျင်ရေးသမားလစ်ဗျားမှာတော့ သွေးချောင်းစီးနေတာ တွေ့တဲ့အခါ တချို့လေ့လာသူတွေက အမေရိကန်ရဲ့ မဟာမိတ်နိုင်ငံတွေမှာ စီးပွားရေးပိတ်ဆို့မှုမရှိလို့ အမေရိကန်နဲ့ စီးပွားရေးအပါအဝင် ဘက်ပေါင်းစုံအဆက်အ သွယ် တွေလဲရှိ၊ စစ်တပ်တွေကလဲ အမေရိကန်စစ်တပ်နဲ့ အဆက်အဆံရှိ၊ အမေရိကန်စစ်တက္ကသိုလ်တွေ၊ စစ်သင် တန်းကျောင်းတွေမှာ သင်တန်းတက်တာတွေရှိတဲ့အတွက် ဒီမိုကရေစီအမေရိကန်နိုင်ငံက အတွေးအခေါ်တွေ စိတ် ဓာတ်တွေ စိမ့်ဝင်ကူးစက်နေလို့ လူထုတိုက်ပွဲကို ပစ်ခတ်နှိမ်နင်းတာမရှိဘဲ တော်လှန်ရေးတွေအောင်သွားတယ်လို့ ယူဆခဲ့ ကြပါသေးတယ်။ ဒါပေမဲ့ ယီမင်နဲ့ဘာရိန်း အပါအဝင် အမေရိကန်ရဲ့ အမာခံမဟာမိတ်နိုင်ငံတွေမှာ ရက်ရက် စက်စက် ပစ်သတ်ပြီး ဒီမိုကရေစီမရ၊ လူထုတိုက်ပွဲ မနိုင်ဘဲဖြစ်နေတဲ့အခါ စောစောကစဉ်းစားချက်တွေကို ပယ်ဖျက် လိုက်ကြရပါတော့တယ်။

၆။ အမေရိကန်ဆန့်ကျင်ရေးသမား ဆီးရီးယားနိုင်ငံမှာ လူထုတိုက်ပွဲတွေ ဇန်နဝါရီ ၂၆ မှာ စပေါ်ခဲ့ပြီး အာဏာရှင် သမ္မတ အာဆဒ်က ရက်ရက်စက်စက်ပစ် ခတ်နှိမ်နင်းလို့ အခုအထိ လူပေါင်း ၁၈၀၀ ကျော် အသက်ဆုံးခဲ့ပါတယ်။ ဒါပေမဲ့ ပြည် သူလူထုတွေဟာ အခုထိ ဇွဲနဘဲကြီးကြီးနဲ့ တိုက်ပွဲဝင်နေဆဲဖြစ်ပြီး လက်နက်ကိုင်တိုက်ပွဲနဲ့ ပေါင်းစပ်မယ့် အလားအလာ ရှိနေပါတယ်။ ဆီးရီးယားအာဏာရှင်အစိုးရကို ရုရှားနိုင်ငံက ရာနှုန်းပြည့် ထောက်ခံကူညီနေပါတယ်။ နအဖ-ကြံ့ဖွတ်ကို တရုတ်နိုင်ငံကထောက်ခံသလိုမျိုး ကုလသမဂ္ဂဗီတိုအာဏာ နဲ့ လက်နက်ခဲယမ်း အပါအဝင် ဘက်ပေါင်းစုံက ထောက် ခံပေးနေတာ ဖြစ်ပါတယ်။

ဒီ ၆ နိုင်ငံအပြင် အာဏာရှင်ဆန့်ကျင်ရေး လူထုတိုက်ပွဲဆိုတဲ့ အာရပ်လှိုင်းစီးခဲ့တဲ့ တခြားအာရပ်နိုင်ငံတွေကတော့…

၇။ သက်ဦးဆံပိုင်ပဒေသရာဇ် ဂျော်ဒန် (ဇန်နဝါရီ ၁၄ ရက် လူထုတိုက်ပွဲစခဲ့ပြီး အကြမ်းဖက်နှိမ်နင်းခံရ၊ အသေ အ ပျောက် နည်းနည်းရှိ၊ အခုထိ တိုက်နေဆဲ)

၈။ သက်ဦးဆံပိုင်ပဒေသရာဇ် အိုမန် (ဇန်နဝါရီ ၁၇ ရက် လူထုတိုက်ပွဲစခဲ့ပြီး ပစ်ခတ်နှိမ်နင်းခံရ၊ လူ ၁၀ ယောက်နီးပါး သေ၊ မေလနှောင်းပိုင်း အရှိန်လျော့)၊

၉။ သက်ဦးဆံပိုင်ပဒေသရာဇ် ကူဝိတ် (ဖေဖော်ဝါရီ ၁၉ ရက် လူထုတိုက်ပွဲစပြီး အကြမ်းဖက်နှိမ်နင်းခံရ၊ အသေ အ ပျောက်မရှိ၊ ဇွန်လအထိ တိုက်နေဆဲ)၊

၁၀။ သက်ဦးဆံပိုင်ပဒေသရာဇ် ဆော်ဒီအာရေးဗျ (ဇန်နဝါရီ ၂၁ ရက် လူထုတိုက်ပွဲစခဲ့ပြီး အကြမ်းဖက်နှိမ်နင်းခံရ၊ အ သေအပျောက် နည်းနည်းရှိ၊ လောလောဆယ်မှာ အမျိုးသမီးတွေဦးဆောင်ပြီး ကားမောင်းခွင့်ရရေး ခေါင်းစဉ်နဲ့ လူထု တိုက်ပွဲ ဆက်လုပ်နေပါတယ်)၊

၁၁။ သက်ဦးဆံပိုင်ပဒေသရာဇ် မော်ရိုကို (ဇန်နဝါရီ ၃၀ ရက် လူထုတိုက်ပွဲစခဲ့ပြီး အကြမ်းဖက်နှိမ်နင်းခံရ၊ လူ ၁၀ ယောက်နီးပါး သေ၊ အခုထိ တိုက်နေဆဲ)၊

၁၂။ မော်ရိုကိုသိမ်းပိုက်ခံ အနောက်ဆာဟာရ (ဖေဖော်ဝါရီ ၂၆ ရက် လူထုတိုက်ပွဲစခဲ့ပြီး အကြမ်းဖက်နှိမ်နင်းခံရ၊ အ သေအပျောက်နဲနဲရှိ)၊

၁၃။ အီရတ် (ဖေဖော်ဝါရီ ၁၀ ရက် လူထုတိုက်ပွဲစခဲ့ပြီး အကြမ်းဖက်ပစ်ခတ်နှိမ်နင်းခံရ၊ လူ ၃၀ ကျော်သေ၊ ဇွန်လ နှောင်းပိုင်း အရှိန်လျော့)၊

၁၄။ အီရတ် ကာဒစ်စတန် (ဖေဖော်ဝါရီ ၁၇ ရက် လူထုတိုက်ပွဲစခဲ့ပြီး အကြမ်းဖက်ပစ်ခတ်နှိမ်နင်းခံရ၊ လူ ၁၀ ယောက် လောက်သေ)၊

၁၅။ လက်ဘနွန် (ဖေဖော်ဝါရီ ၂၇ ရက် လူထုတိုက်ပွဲစခဲ့၊ ဂိုဏ်းဂဏအကြမ်းဖက်မှုကြောင့် ၁၀ ယောက်လောက်သေ)၊

၁၆။ အဇ္ဇရေးနယ်စပ် (မေ ၁၅ ရက် နဲ့ ဇွန်လထဲမှာ လူထုချီတက်ပွဲလုပ်၊ ၄၀ ခန့်ကို အဇ္ဇရေးကပစ်သတ်)၊

၁၇။ အယ်လ်ဂျီးရီးယား (ဒီဇင်ဘာ ၂၉ ရက်စတိုက်ခဲ့ပြီး အကြမ်းဖက်နှိမ်နင်းခံရ၊ မိမိကိုယ် မီးရှို့ဆန္ဒပြသူ ၄ ယောက်ပါ၊ ရဲများလဲ ဆန္ဒပြ၊ မေလနှောင်းပိုင်း အရှိန်လျော့၊ လူ ၁၀ ယောက်နီးပါးသေ)၊

၁၈။ မော်ရီတေးနီးယား (ဇန်နဝါရီ ၁၇ ရက် လူထုတိုက်ပွဲစခဲ့ပြီး ဧပြီအထိ)၊

၁၉။ ဆူဒန် (ဇန်နဝါရီ ၃၀ ရက် လူထုတိုက်ပွဲစခဲ့ပြီး အကြမ်းဖက်နှိမ်နင်းခံရ၊ အသေအပျောက် နဲနဲရှိ)

ဒီနိုင်ငံတွေထဲမှာ အယ်လ်ဂျီးရီးယား၊ မော်ရီတေးနီးယား၊ ဆူဒန်တို့က ရုရှား-တရုတ် မဟာမိတ်တွေ ဖြစ်ပြီး ကျန်တာ အားလုံး အမေရိကန်ရဲ့ မဟာမိတ် အာဏာရှင်နိုင်ငံတွေ ဖြစ်ပါတယ်။ အီရတ်နဲ့ အီရတ်နိုင်ငံထဲက ကာဒစ်စတန် ပြည် နယ်တို့ဆိုရင် အမေရိကန်စစ်တပ်တွေ ရောက်ရှိသိမ်းပိုက်ထားပြီး ဒီမိုကရေစီရနေပြီဆိုတဲ့ နိုင်ငံတွေဖြစ်သလို လက်ဘ နွန်ကတော့ ဒီမိုကရေစီတပိုင်းနိုင်ငံ ဖြစ်ပါတယ်။ ဒီတော့ ခြုံကြည့်လိုက်ရင် အမေရိကန်လူဖြစ်ဖြစ် အမေရိကန် ဆန့် ကျင်ရေးသမားဖြစ်ဖြစ် အာဏာရှင်တွေဟာ အာဏာကိုထိန်းသိမ်းနိုင်ဖို့အတွက် အကြမ်းဖက်ဖို့ လက်မနှေးဘူး၊ လူ သတ်ဖို့ ဝန်မလေးဘူးဆိုတာ တွေ့ရပါတယ်။

အာရပ်ကမ္ဘာမှာ အာဏာရှင်ဆန့်ကျင်ရေးလှိုင်း မစီးခဲ့တာ ကာတာ နဲ့ ယူအေအီးဘဲ ကျန်ပါတယ်။ ဒီ ၂ နိုင်ငံမှာတော့ အင်တာနက်ထဲကွန်ယက်ဖွဲ့ ကြေညာချက်ထုတ်တဲ့အဆင့်က မတက်ခဲ့ပါဘူး။

ကမ္ဘာ့သတင်းတွေမှာ သိသိသာသာမပါခဲ့ပေမဲ့ အာရပ်ကမ္ဘာရဲ့ပြင်ပမှာလဲ အာရပ်လှိုင်းစီးတဲ့နိုင်ငံတွေ မနည်းမနော ရှိခဲ့ပါတယ်၊ ရှိနေပါတယ်။ အာရှတိုက်မှာဆိုရင် …

(၁) အမေရိကန်ဆန့်ကျင်ရေးအမာခံ အစ္စလမ်အာဏာရှင်စနစ်အီရန်နိုင်ငံကတော့ သတင်းတွေမှာ အပါများလို့ ထင် ရှားခဲ့ပါတယ်။ အီရန်မှာ ဖေဖော်ဝါရီ ၁၄ ရက်မှာ လူထုတိုက်ပွဲစခဲ့ပါတယ်။ ၁၅ ယောက်လောက် ပစ်သတ်ခံရပြီး မေလ ထဲမှာ အရှိန်လျော့သွားခဲ့ပါတယ်။

(၂) အမေရိကန်မဟာမိတ်ဖြစ်တဲ့ တူရကီနိုင်ငံမှာ ကာ့ဒ်တိုင်းရင်းသားတွေက မတ်လ ၂၄ ရက်မှာ တိုင်းရင်းသား တန်း တူအခွင့်အရေး လူထုတိုက်ပွဲစခဲ့ပြီး အကြမ်းဖက်နှိမ်နင်းခံရလို့ ၅ ယောက်လောက်သေခဲ့ပါတယ်။ အခုထိ ဆက်တိုက် နေတုံးဖြစ်ပါတယ်။

(၃) တရုတ်နိုင်ငံနဲ့ (၄) ဗီယက်နမ်နိုင်ငံမှာတော့ အဓိကအားဖြင့် အင်တာနက်လှုပ်ရှားမှုအဆင့်ဘဲ ဖြစ်ခဲ့ပါတယ်။ တရုတ်ပြည်မှာ ဖေဖော်ဝါရီ ၂၀ ရက် လူထုတိုက်ပွဲစဖို့ စည်းရုံးပြင်ဆင်ခဲ့ပေမဲ့ တရုတ်အာဏာရှင်အစိုးရက အင်အား အကြီးအကျယ်သုံး ဟန့်တားနိုင်ခဲ့ပါတယ်။ ဗီယက်နမ်မှာတော့ ဖေဖော်ဝါရီ နဲ့ မတ်လအတွင်း ကိုယ့်ကိုယ်ကို မီးရှို့ ဆန္ဒပြမှုတခုနဲ့ ဆန္ဒပြပွဲအသေးစားတချို့ ဖြစ်ခဲ့ပါတယ်။

(၅) တရုတ်ကိုလိုနီ တိဘက်မှာ ဇွန် ၆ ရက်ကနေ အခုအထိ သံဃာတွေနဲ့ အရပ်သားတွေ ဆန္ဒပြနေကြပါတယ်။ တရုတ်အစိုးရကလဲ ဖြိုခွဲ ဖမ်းဆီးတာတွေ လုပ်ခဲ့ပါတယ်။ အသေအပျောက်သတင်း မကြားရသေးပါ။

(၆) ၂၀၀၄-၂၀၀၅ မှာ လူထုတိုက်ပွဲတွေဖြစ်ခဲ့ပြီး ၂၀၀၈ မှာ ဒီမိုကရေစီတော်လှန်ရေး ငြိမ်းချမ်းစွာအောင်မြင် သွားခဲ့ တယ် ဆိုတဲ့ မောလဒိုက်နိုင်ငံမှာ ၂၀၁၁ မေ ၁ ရက်နေ့မှာ လူထုဆန္ဒပြပွဲတွေစခဲ့ပါတယ်။ ဒါကို ၂၀၀၈ မှာ အာဏာ ရလာခဲ့တဲ့ ဒီမိုကရေစီတော်လှန်ရေးခေါင်းဆောင်ဆိုသူ လက်ရှိသမတက အကြမ်းဖက်နှိမ်နင်းခဲ့ပါတယ်။

(၇) အာဖဂန်နစ္စတန်နိုင်ငံမှာ မတ်လ ၆ ရက်ကစပြီး အမေရိကန်ဆန့်ကျင်ရေး လူထုဆန္ဒပြပွဲတွေ လုပ်ခဲ့ကြပါတယ်။ မေလကုန်အထိ အယောက် ၃၀ လောက် ပစ်သတ်ခံခဲ့ရပြီဖြစ်ပါတယ်။

(၈) ပစိဖိတ်သမုဒ္ဒရာထဲက ဖီဂျီကျွန်းနိုင်ငံမှာ မတ်လ ၄ ရက် လူထုတိုက်ပွဲစဖို့ စီစဉ်ခဲ့ပေမဲ့ စစ်အာဏာရှင်တွေက ကြို တင်ပြီး ရက်ရက်စက်စက်နှိပ်ကွပ်ခဲ့ပါတယ်။

အာဖရိကတိုက်မှာ အာရပ်လှိုင်းစီးတဲ့နိုင်ငံတွေကတော့ –

(၁) အိုင်ဗရီကို့စ်နိုင်ငံမှာ ရွေးကောက်ပွဲနိုင်တဲ့လူကို အာဏာလွှဲမပေးတဲ့ အာဏာရှင် ဂဘာ့ဂ်ဘို ကို ကုလသမဂ္ဂ အ သိအမှတ်ပြု ရွေးကောက်ပွဲနိုင် ဥတ္တရ က ဖေဖော်ဝါရီလကုန်ပိုင်းမှာ လက်နက်ကိုင်တိုက်ပွဲ စတင်ဆင်နွှဲခဲ့ပါတယ်။ တချိန်တည်းမှာ အမျိုးသမီးခေါင်းဆောင် အိုင်ယာတူရေ က အမျိုးသမီး ငါးသောင်းလောက်ပါဝင်တဲ့ လူထုတိုက်ပွဲကို မတ်လ ၃ ရက်နေ့နဲ့ ၈ ရက်နေ့တွေမှာ ဆင်နွှဲခဲ့ပါတယ်။ အာဏာရှင်အစိုးရက ဆန္ဒပြအမျိုးသမီး ၁၀ ယောက်လောက် ကို ပစ်သတ်ခဲ့ပါတယ်။ ဒါပေမဲ့ ဧပြီ ၁၁ ရက်မှာ အာဏာရှင်ဂဘာ့ဂ်ဘို ကို အရှင်ဖမ်းမိပြီး တော်လှန်ရေးအောင်မြင် သွားခဲ့ပါတယ်။

(၂) အာဖရိကတိုက်က ဘာကီနာဖာစိုနိုင်ငံမှာလဲ ဇန်နဝါရီလကုန်ကစပြီး လူထုတိုက်ပွဲတွေ ကြီးကြီးမားမားဖြစ်ခဲ့ ပါတယ်။ ကျောင်းသားတွေ ပစ်သတ်ခံခဲ့ရပါတယ်။ ဧပြီလ ၁၅ ရက်မှာတော့ တပ်မတော်သားတွေနဲ့ ရဲတွေကလဲ လူထုတိုက်ပွဲထဲ ပါလာပြီး တပ်တွင်းပုန်ကန်မှုတွေ ဟိုတကွက် ဒီတကွက်ပေါ်လာပါတယ်။ ဒီနောက်မှာ လူထုတိုက်ပွဲ ထဲ အတိုက်အခံနိုင်ငံရေးပါတီတွေ၊ လယ်သမားတွေ ကုန်သည်တွေ အနုပညာရှင်တွေ ကျောင်းဆရာတွေ တရားသူ ကြီးတွေ ပါဝင်လာပါတယ်။ အာဏာရှင်သမတ ဘလေ့စ်ကွမ်ပါအော ကတော့ အကြမ်းဖက်သတ်ဖြတ်မှုတွေ လှည့်ဖျား မှုတွေသုံးပြီး အခုအချိန်ထိ အာဏာကို ဖက်တွယ်နေတုံးဖြစ်သလို ပြည်သူလူထုကလဲ ဇွဲနဘဲကြီးကြီးနဲ့ ဆက်လက် တိုက်ပွဲဝင်နေဆဲဖြစ်ပါတယ်။

(၃) အာဖရိကတိုက်က ရုရှားမဟာမိတ် အင်ဂိုလာနိုင်ငံမှာ မတ်လ ၆ ရက်နဲ့ ၇ ရက်တွေမှာ လူထုတိုက်ပွဲ အသေးစား တွေဖြစ်ခဲ့ပါတယ်။

(၄) အာဖရိကတိုက်က ကင်မရွန်းနိုင်ငံမှာ အလုပ်သမားတွေနဲ့ ပြည်ပရောက်အတိုက်အခံတွေက ဖေဖော်ဝါရီ ၂၃ ရက်မှာ လူထုတိုက်ပွဲတွေ ဆင်နွှဲခဲ့ပေမဲ့ အစီအစဉ်ညံ့ဖျင်းလို့ အလွယ်တကူနှိမ်နင်းခံခဲ့ရပါတယ်။

(၅) အာရပ်တပိုင်း အာဖရိကတပိုင်း ဂျီဘူတီနိုင်ငံမှာလဲ ဇန်နဝါရီ ၂၈ ရက်မှာ လူထုတိုက်ပွဲ စခဲ့ပြီး အတိုက်အခံ ခေါင်း ဆောင်တွေအားလုံးလိုလို အဖမ်းခံရပြီးနောက် ဖေဖော်ဝါရီလကုန်ပိုင်းမှာ အရှိန်လျော့သွားခဲ့ပါတယ်။ ဆန္ဒပြ သမား ၅ ယောက်လောက် အသတ်ခံခဲ့ရပါတယ်။

(၆) ဂါဘွန်နိုင်ငံမှာ ဇန်နဝါရီ ၂၉ ရက်မှာ လူထုတိုက်ပွဲစတင်ခဲ့ပြီး အကြမ်းဖက်နှိမ်နင်းခံခဲ့ရပါတယ်။ အခုအချိန်ထိ ကျောင်းသားတွေက ဦးဆောင်ပြီး လူထုတိုက်ပွဲဆင်နေဆဲ ဖြစ်ပါတယ်။

(၇) ရုရှားနဲ့တရုတ် မဟာမိတ် မိုဇမ်ဘစ်နိုင်ငံမှ အလုပ်သမားတွေက ဧပြီ ၆ ရက်မှာ လူထုတိုက်ပွဲစခဲ့တာကို ပုလိပ် တွေက ဖြိုခွင်းလို့ အလုပ်သမားတချို့ သေဆုံးခဲ့ပါတယ်။ နောက်ပိုင်းမှာ စစ်ပြန်ရဲဘော်ဟောင်းတွေ ပါဝင်လာခဲ့ပါ တယ်။ အခုအချိန်ထိ လူထုဆန္ဒပြပွဲတွေ ဆက်ဖြစ်နေသလို ပစ်သတ်ခံရတာလဲ လူ ၂၀ နီးပါး ရှိသွားပြီ ဖြစ်ပါတယ်။

(၈) သက်ဦးဆံပိုင် ပဒေသရာဇ်နိုင်ငံ ဆွာဇီလန် မှာ ပဒေသရာဇ်အာဏာရှင်ဆန့်ကျင်ရေး လူထုတိုက်ပွဲကို မတ်လ ၁၈ ရက်ကနေ ဧပြီလအထိ ဆင်နွှဲခဲ့ပြီး အကြမ်းဖက်ဖြိုခွဲခံခဲ့ရပါတယ်။

(၉) ယူဂန္ဓာနိုင်ငံမှာ ဖေဖော်ဝါရီ ရွေးကောက်ပွဲမသမာမှုတွေကြောင့် ဥရောပနဲ့ ကမ္ဘာ့ဘဏ်အချစ်တော် အာဏာရှင် မူဆယ်ဗင်နီကို ဆန့်ကျင်ဆန္ဒပြပွဲတွေ ဧပြီ ၁၁ ရက်မှာစဖြစ်ခဲ့ပါတယ်။ အကြမ်းဖက်ဖြိုခွင်းမှုကြောင့် ဧပြီလကုန်အထိ ၁၀ ယောက်လောက် သေခဲ့ပြီဖြစ်ပါတယ်။

(၁၀) ဇင်ဘာဘွေနိုင်ငံမှာ မတ်လ ၁ ရက် လူထုချီတက်ပွဲလုပ်ဖို့ စီစဉ်ခဲ့ပေမဲ့ အာဏာရှင်မူဂါဘီက တင်ကြိုနှိပ်ကွပ်နိုင် ခဲ့ပါတယ်။

(၁၁) စစ်ဘုရင်တွေလွှမ်းမိုးနေတဲ့ ဆိုမာလီယာနိုင်ငံမှာ ဖေဖော်ဝါရီ ၁၇ ရက်မှာ စစ်ဘုရင်ဆန့်ကျင်ရေး ငြိမ်းချမ်းရေး တောင်းဆို ဆန္ဒပြခဲ့ကြပြီး ဧပြီ ၇ ရက်မှာတော့ ကုလဝန်ထမ်းစရိတ်တွေ၊ အဲန်ဂျီအိုစရိတ်တွေ အသုံးများတာကို ဆန္ဒပြ ခဲ့ကြပါတယ်။ သမတ အာဏာတိုးပြီး ရွေးကောက်ပွဲရွှေ့ဆိုင်းတာကို မကျေနပ်လို့ ဇွန် ၉- ၁၀ ရက်တွေမှာ ဆန္ဒပြတာ ၂ ယောက်ပစ်သတ်ခံရပါတယ်။

အာရှအလယ်ပိုင်းမှာတော့ …

(၁) ဒီမိုကရေစီ အတော်အသင့်ရှိတဲ့ အာမေးနီးယားနိုင်ငံမှာ စီးပွားရေးကျပ်တည်းမှုတွေကြောင့် ဇန်နဝါရီ ၁၉ ရက်မှာ လမ်းဘေးဈေးသည်တွေက လူထုတိုက်ပွဲစဖွင့်ခဲ့ပြီး နောက်ပိုင်းမှာ နိုင်ငံရေးချုပ်ချယ်မှုတွေကိုပါ ဆန္ဒပြ အရှိန်မြင့်လာ ခဲ့တာ မေလကုန်အထိ ဖြစ်ပါတယ်။ အစိုးရဆီက လိုက်လျောချက်ကြီးကြီးမားမားရခဲ့ပါတယ်။ အစိုးရက အကြမ်းမ ဖက်ခဲ့လို့ အသေအပျောက် မရှိခဲ့ပါ။

(၂) အာဏာရှင်တပိုင်း အဇာဘိုင်ဂျန်မှာ လွတ်လပ်ခွင့်ပိုရရေးနဲ့ အကျင့်ပျက်ခြစားမှု ဆန့်ကျင်ရေးအတွက် မတ် ၁၁ ရက်မှာ လူထုတိုက်ပွဲစခဲ့တာ မေလအထိ ဆင်နွှဲခဲ့ပါတယ်။ အစိုးရက အကြမ်းဖက်နှိမ်နင်းတာ မလုပ်ပေမဲ့ လူဖမ်းပွဲ အကြီးအကျယ်လုပ်ခဲ့ပါတယ်။

(၃) ၂၀၀၃ ခု နှင်းဆီရောင်တော်လှန်ရေးနဲ့ ဒီမိုကရေစီနိုင်ငံဖြစ်လာတဲ့ ဂျော်ဂျီယာနိုင်ငံမှာတော့ ဒီမိုကရေစီအစိုးရရဲ့ အကျင့်ပျက်ခြစားမှု၊ စီးပွားရေးညံ့ဖျင်းမှုတွေကို မေလ ၂၁ ရက်ကစပြီး တပတ်ကြာ လူထုတိုက်ပွဲဆင်ခဲ့ကြပါတယ်။ ရဲတွေက ဖြိုခွဲခဲ့ရာမှာ ၂ ယောက်သေခဲ့ပါတယ်။

ယေဘုယျအားဖြင့် ဒီမိုကရေစီနိုင်ငံတွေလို့ ပြောနိုင်တဲ့ ဥရောပနိုင်ငံတချို့မှာလဲ စီးပွားရေးမကျေနပ်ချက်တွေနဲ့ အ ကျင့်ပျက်ခြစားမှုတွေကြောင့် အာရပ်လှိုင်းလိုက်စီးကြတာတွေ ရှိပါတယ်။

(၁) အယ်လ်ဘေးနီးယားနိုင်ငံမှာ စီးပွားရေးညံ့ဖျင်းမှုနဲ့ လာဘ်ပေးလာဘ်ယူမှုကို မကျေနပ်လို့ ဇန်နဝါရီ ၂၁ ရက်ကစ ပြီး လူထုတိုက်ပွဲ တိုက်ခဲ့တာ ဆန္ဒပြသမား ၄ ယောက် အသတ်ခံခဲ့ရပါတယ်။

(၂) ဥရောပတိုက်ရဲ့ နောက်ဆုံးအာဏာရှင်နိုင်ငံ ရုရှားတပည့် ဘယ်လာရုစ်မှာ မတ်လ ၂၅ ရက်ကနေ အခုထိ လူထု တိုက်ပွဲတွေ အပတ်စဉ်ဖြစ်ခဲ့ပြီး အကြမ်းဖက်ဖြိုခွဲခံခဲ့ရပါတယ်။

(၃) ခရိုအေးရှားနိုင်ငံမှာ ဖေဖော်ဝါရီ ၂၂ ရက်မှာ လမ်းပေါ်လူထုတိုက်ပွဲတွေ ပေါက်ဖွားခဲ့ပြီး အကြမ်းဖက်ဖြိုခွဲ ခံရပါ တယ်။ ဧပြီလဆန်းမှာ အရှိန်လျော့သွားခဲ့ပါတယ်။

(၄) ဒီမိုကရေစီနိုင်ငံဖြစ်တဲ့ စပိန်နိုင်ငံမှာ ဘယ်ပါတီဝင်မှမဟုတ်တဲ့ လူငယ်တွေက မေ ၁၅ ရက်မှာ လူထုတိုက်ပွဲ ဆင် နွှဲပြီး နိုင်ငံရေး စီးပွားရေးပြုပြင်ပြောင်းလဲမှုတွေ တောင်းဆိုခဲ့ကြပါတယ်။ အခုအထိ ဆက်လက်ဆန္ဒပြနေဆဲ ဖြစ်ပါ တယ်။ ရဲတွေနဲ့ အကြမ်းဖက်မှုတွေ ရှိခဲ့ပါတယ်။

(၅) ဂရိနိုင်ငံမှာ စီးပွားရေးမကျေနပ်ချက်တွေအပေါ်ကနေ လူထုတိုက်ပွဲတွေ မေ ၂၅ ရက်မှာစခဲ့ပြီး အခုဆိုရင် ပိုပြီး တော့ ပြင်းထန်လာပါတယ်။ ရဲတွေနဲ့ အကြမ်းဖက်မှုတွေရှိပါတယ်။

(၆) အင်္ဂလိပ်ရဲ့ နောက်ဆုံးလက်ကျန်ကိုလိုနီတခုဖြစ်တဲ့ မြောက်အိုင်ယာလန်မှာ အင်္ဂလိပ်ဆန့်ကျင်ရေး လူထုတိုက်ပွဲ တွေ ဇွန် ၂၂ ရက်မှာ စတင်ခဲ့ရာမှာ အဓိကအားဖြင့် အင်္ဂလိပ်လိုလားသူတွေက အကြမ်းဖက်မှုတွေ လုပ်ခဲ့ပါတယ်။

(၇) ဆိုက်ပရပ်နိုင်ငံမြောက်ပိုင်းမှာ ဇန်နဝါရီ ၂၈ ရက်ကစပြီး တူရကီသြဇာခံအစိုးရဆန့်ကျင်ရေး လူထုတိုက်ပွဲ စလုပ် ခဲ့ပါတယ်။ ဧပြီ နောက်ပိုင်းမှာ အရှိန်လျော့သွားပါတယ်။

တောင်အမေရိက-မြောက်အမေရိကမှာ …

(၁) အမေရိကန်ပြည်ထောင်စု ဝစ္စကွန်ဆင်ပြည်နယ်မှာ အလုပ်သမားတွေနဲ့ ကျောင်းသားတွေရဲ့ လူထုတိုက်ပွဲ ဖေ ဖော်ဝါရီ ၁၄ ရက်မှာ စဖြစ်ခဲ့ပါတယ်။ အဓိကအားဖြင့် အလုပ်သမားသမဂ္ဂအခွင့်အရေး ဖျက်သိမ်းမခံရဖို့ ကာကွယ် တောင်းဆိုတာ ဖြစ်ပြီး အခုအချိန်ထိ တိုက်ပွဲဝင်နေဆဲဖြစ်ပါတယ်။ အင်ဒီယားနား နဲ့ အိုဟိုင်းယိုးပြည်နယ်တွေကိုလဲ ကူးစက်ပျံ့နှံ့နေပါတယ်။

(၂) မက်ဆီကိုမှာ မတ် ၂၈ ရက်ကစပြီး မေလဆန်းအထိ အစိုးရနဲ့ မူးယစ်ဂိုဏ်းတွေ စားကျက်လုတဲ့မူးယစ်ဆေးစစ်ပွဲ ဆန့်ကျင်ရေး လူထုတိုက်ပွဲဆင်ခဲ့ကြပါတယ်။

(၃) ဘိုလစ်ဗီးယားမှာ ကုန်ဈေးနှုန်းကျဆင်းရေးနဲ့ အစိုးရပြောင်းလဲရေးအတွက် ဖေဖော်ဝါရီ ၁၀ ရက်မှာ လူထုတိုက်ပွဲ စခဲ့ကြတာ ဧပြီလလယ်အထိ တိုက်ပွဲဝင်နေဆဲဖြစ်ပါတယ်။ အကြမ်းဖက်နှိမ်နင်းမှုတွေ ရှိပေမဲ့ အသေအပျောက် သ တင်း မကြားရပါ။

(၄) ပီရူးနိုင်ငံမှာ သတ္တုတွင်းလုပ်သားတွေက မေလဆန်းမှာ စတင်ဆန္ဒပြခဲ့ပြီး ဇွန်လထဲမှာ ဒေသတော်တော်များများ ကို လူထုတိုက်ပွဲတွေ ပျံ့နှံ့သွားခဲ့ပါတယ်။ အကြမ်းဖက်ခံရလို့ ၅ ယောက်နဲ့ ၁၀ ယောက်ကြား သေခဲ့ပါတယ်။ အခုထိ တိုက်နေဆဲဖြစ်ပါတယ်။

ဒါတွေကတော့ လက်လှမ်းမှီသမျှစာရင်းပဲ ဖြစ်ပါတယ်။ ဒီလူထုတိုက်ပွဲတွေအားလုံးဟာ ကျူနီးရှားနဲ့ အီဂျစ်တော်လှန် ရေးတွေရဲ့ လှုံ့ဆော်မှုကြောင့် ဖြစ်လာတာလို့ အဲဒီနိုင်ငံတွေက တိုက်ပွဲဝင်သူတွေကိုယ်တိုင်ပြောကြသလို အာရပ် တော်လှန်ရေးလက္ခဏာဖြစ်တဲ့ အင်တာနက်အသုံးချ စည်းရုံးတာ စီစဉ်တာတွေလဲ လုပ်ခဲ့ကြတဲ့အတွက် အာရပ်လှိုင်း စီးသူများလို့ သတ်မှတ်တာ ဖြစ်ပါတယ်။

အာရပ်လှိုင်းစီးတာကို လေ့လာကြည့်တဲ့အခါ အာရပ်လှိုင်းဟာ အနာခံစီးရတာဖြစ်ပါတယ်။ သက်တောင့်သက်သာ ဇိမ်နဲ့စီးရတာ မရှိသလောက်ပါ။ နိုင်ငံတော်တော်များများမှာ စစ်တပ် သို့မဟုတ် ပုလိပ်က တဖြောဖြောသတ်နေတဲ့ ကြားက နောက်မတွန့်ဘဲ ဇွဲနဘဲကြီးကြီးနဲ့ စီးနေကြတာ တွေ့ရပါတယ်။ ဗမာစစ်တပ်နဲ့ မတူလို့ ငြိမ်းချမ်းစွာအောင်မြင် သွားတာဆိုတဲ့ ကျူနီးရှားမှာ လူ ၂၀၀၊ အီဂျစ်မှာ လူ ၁၀၀၀ နီးပါး အသေခံခဲ့ရပါတယ်။ ဒါ့အပြင် အာရပ်လှိုင်းကို စစီး တာဟာ အများအားဖြင့် သာမန်ပြည်သူတွေဘဲဖြစ်ပြီး နိုင်ငံရေးအတိုက်အခံပါတီတွေက နောက်မှလိုက်ပြီး တက်စီး ကြတာဖြစ်ပါတယ်။ မစီးတဲ့ပါတီတွေကတော့ မြောင်းထဲ ရောက်ကုန်ကြပါတယ်။ အာရပ်လှိုင်းစီးတဲ့ ၅၂ နိုင်ငံဟာ တ နိုင်ငံနဲ့တနိုင်ငံ ထပ်တူညီတာ တခုမှမရှိသလို မူလအာရပ်လှိုင်း ကျူနီးရှား သို့မဟုတ် အိဂျစ်တို့နဲ့ ထပ်တူညီတာတွေ လဲ မတွေ့ရပါဘူး။ ကမ္ဘာ့အဆိုးဆုံး အာဏာရှင်နိုင်ငံတွေ ဆိုးပေနိုင်ငံတွေပါသလို ဒီမိုကရေစီနိုင်ငံလို့ အများသတ်မှတ် ထားတဲ့ နိုင်ငံတွေလဲ ပါပါတယ်။ အမေရိကန်ဘက်သားကော ရုရှား-တရုတ်ဘက်သားရော ပါနေပါတယ်။ ဒါပေမဲ့ အာ ဏာရှင်ဆန့်ကျင်ရေးအပါအဝင် မတရားမှုဆန့်ကျင်ရေး လှိုင်းစီးတာတော့ တူနေပါတယ်။

အာရပ်လှိုင်းစီးတာ ၅၂ နိုင်ငံရှိပေမဲ့ အာဏာရှင်ဘိုးအေနိုင်ငံကြီးဖြစ်တဲ့ မြန်မာပြည်ကတော့ လှိုင်းစီးတဲ့အထဲ မပါခဲ့တာ ထူးဆန်းနေပါတယ်။ ဒါပေမဲ့ အခုနောက်ဆုံးအခြေအနေအရ ကရင် ရှမ်း ကချင်နယ်မြေများမှာ လက်နက်ကိုင်တိုက်ပွဲ တွေ တခြိမ်းခြိမ်းဖြစ်လာနေပြီး အဲဒီကမှ မြို့ပေါ်လူထုတိုက်ပွဲတွေ၊ တပ်တွင်းပုန်ကန်မှုတွေကို တွန်းအားပေးမယ့် အ လားအလာ၊ လက်နက်ကိုင်တိုက်ပွဲနဲ့ လူထုတိုက်ပွဲ ပေါင်းစပ်မယ့်အလားအလာတော့ ရှိနေပါတယ်။ လူထုတိုက်ပွဲ ပေါက်ကွဲလာတဲ့အခါကျမှဘဲ အတိုက်အခံပါတီတွေ ပါဝင်လာနိုင်ကောင်းပါရဲ့။

ဂါမဏိ

ဝမ်းနည်းမှတ်တမ်း (မင်းလူ)

ကိုမင်းလူရဲ့ ကဗျာအပိုင်းအစတစ်ခုကို http://tututha.blogspot.com မှရရှိပါတယ်။

သတင်းအတိုအထွာများ

ဗိုလ်ချုပ်ကိုကိုအား ဖမ်းဆီးစစ်ဆေးမှုများပြုလုပ်နေသည်မှာ ယခုဆိုလျှင် ၄ ရက်ခန့်ရှိနေပြီဖြစ်သည်ဟု နီးစပ်သည့် အသိုင်းအ၀ိုင်းမှပြောပြ၍ သိရှိရသည်။

လွန်ခဲ့သည့် ၆ ရက်လောက်က ဓါတုစက်ရုံရှိ ကကကိန်း အရာရှိ (၇) ဦးနှင့် ရဲဘော် (၂၀) ကျော်အားဖမ်းဆီးထားသည်ဟု အခြားအဆင့်ရဲဘော်တဦးမှဆိုသည်။

ရဲထောက်လှမ်းရေး SB မှ ဒုဗိုလ်မှူးကြီးမျိုးသူရစိုးအား ဖမ်းဆီးထားကြောင်းကြားသိရသည်။

လက်ရှိထိုင်းစစ်သံမှူး ဗိုလ်မှူးကြီး ၀င်းမောင်ကို ရာထူးမှဖယ်ရှား၍ ထိုတာဝန်အား ဗိုလ်မှူးကြီးတင်အောင်မိုးအား ထည့်သွင်းမည်ဟု သံတမန်အသိုင်းအ၀ိုင်းက ဆို။

မကြာမီကဗုန်းပေါက်ကွဲမှုမသင်္ကာမှုဖြင့် မဆိုင်သူလူငယ် ၃ ဦးကိုဖမ်းဆီးထားသည်။ ၎င်းတို့မှာ လှိုင်သာယာ ၁၁ ရပ်ကွက်နေ ကိုစည်သူ၊ ကိုသက်နိုင်နှင့် ကိုနေ၀င်းတို့ဖြစ်ကြကြောင်း တရပ်ကွက်တည်းနေထိုင်သူတို့မှ သတင်းပေးပို့ထားသည်။

မြ၀တီဗုံးကွဲ မဆိုင်သူတွေလိုက်ဖမ်း

ယနေ့ညနေ မြန်မာစံတော်ချိန် ၄ နာရီ ၃၅ မိနစ်လောက်မှာ မြ၀တီတံတားအနီးမှာ ဗုံးကွဲတယ်လို့ ကြားသိရ ပါတယ်။ အမျိုးသမီးနှစ်ဦးဖြစ်ကြတဲ့ ဒေါ်တင်အေး (၃၆) နဲ့ မသင်းသင်းမြ (၂၁) တို့ သေဆုံးသွားပြီး အခြား ၇ ဦးဒဏ်ရာရသွားတယ်သိရပါတယ်။ အနီးပါတ်ဝန်းကျင်က လူတွေရဲ့အဆိုအရ ဗုံးထောင်တယ်လို့ သံသယ ရှိသူတစ်ဦးက လ္ဘက်ရည်ဆိုင်တခုမှာ ဗုံးမကွဲခင်အထိ ၀င်ထိုင်ပြီး အခင်းဖြစ်ပွားတော့မှ သွေးအေးအေးနဲ့ တိမ်းရှောင်သွားတယ်လို့သိရပါတယ်။ သူ့ပုံပန်းသဏ္ဍာန်က အသားညိုညို အရပ်ရှည်ရှည်နဲ့လို့ ဆိုပါတယ်။ နောက်ဆက်တွဲအနေနဲ့ကတော့ မြ၀တီ ရဲထောက်လှမ်းရေးက လက်မြန်ချေမြန်နဲ့ ၎င်းတို့သံသယရှိသူ ၄ ဦး (အမှတ် ၁ ရပ်ကွက်မှ ၂ ဦးနှင့် အမှတ် ၄ ရပ်ကွက်မှ ၂ ဦး) ကိုဖမ်းဆီးစစ်ဆေးနေပြီဖြစ်တယ်လို့ပြောကြ ပါတယ်။ အမှတ် ၁ ရပ်ကွက်က အဖမ်းဆီးခံရသူဟာ မြ၀တီနဲ့ မဲဆောက် အသွားအပြန် ကုန်ပစ္စည်းသယ်ယူ ပို့ဆောင်ပေးနေသူတဦးဖြစ်တယ်လို့လည်း မိမိတို့အနေနဲ့ သတင်းရထားပါတယ်။ ယခင်ကလည်း ဒီလိုအဖြစ် အပျက်တွေကြုံတဲ့အခါ အစိုးရက မဆိုင်တဲ့လူတွေလိုက်ဖမ်းလေ့ရှိတာဘဲဟု အဘိုးအိုတစ်ဦးက မိမိတို့အား ပြောပြခဲ့ပါတယ်။

သတင်းအတိုအထွာ

ရွေးကောက်ပွဲနေ့ကစပြီး ဆန့်ကျင်ပုန်ကန်နေတဲ့ ဒီမိုကရက်တစ်ကရင်ဗုဒ္ဓဘာသာတပ်မတော် DKBA အား အပြီးသတ်နှိမ်နင်းရန် နအဖ စစ်အစိုးရအနေနှင့် စစ်ကူတပ်အင်အားများစွာကို ပို့ပေးခဲ့သော်လည်း ဒေသ တွင်းရှိ ကရင်အမျိုးသားအစည်းအရုံး KNU နှင့် မြန်မာနိုင်ငံလုံးဆိုင်ရာကျောင်းသားများဒီမိုကရက်တစ် တပ်ဦး ABSDF တို့၏ ထိရောက်သည့် ပူးပေါင်းစစ်ဆင်မှုကြောင့် အကျအဆုံးအထိအခိုက်များကာ မျှော်လင့် ထားသည့်အချိန်အတွင်း အောင်မြင်မှုမရရှိသဖြင့် ယခုအခါ ထိုဒေသများအတွင်းသို့ အောက်လမ်းနည်းများ ဖြင့် တိုက်ခိုက်ရန် စီစဉ် ဆွေးနွေးလျှက်ရှိကြောင်းသိရှိရသည်။ နအဖတွင်ရှိသည့် ယာဉ်တင်လက်နက်ကြီး များမှာလည်း သွားလာမှုအခက် အခဲကြောင့် ဆုံးရှုံးမှုဖြစ်နှိုင်သဖြင့် ကရင်ပြည်နယ်ရှိ ပူးပေါင်းခံစစ်ဆင်နွှဲ နေသည့် တော်လှန်ရေးဒေသအတွင်း နေရာချထားရန်အခက်အခဲဖြစ်နေသည်။ ထို့ကြောင့် နအဖအနေနှင့် အထူးဖျက်ဆီးရေးတပ် အနေနှင့်ဖွဲ့စည်းကာ တော်လှန်ရေးဒေသအတွင်းရှိ ပြည်သူလူထုများအပါအ၀င် တော်လှန်ရေးအဖွဲ့သားများ ခြေမချနှိုင်စေရန် ဇိဝလက်နက်ကဲ့သို့သော လက်နက်များအသုံးပြုဖြိုခွင်းရေး ပြင်ဆင်ဆွေးနွေးလျှက်ရှိကြောင်း သိရှိရသည်။ ထိုအစီအစဉ်တွင် တော်လှန်ရေးတပ်ဖွဲ့များ နေထိုင်သည့် ဒေသအတွင်းရှိ အသုံးပြုလျှက်ရှိသည့် ချောင်းမြောင်းများအတွင်း အဆိပ်ခတ်ရန်အထိပါဝင်ကြောင်း သိ ရှိရသည်။ ဗမာနိုင်ငံတွင် န၀တ နအဖ စစ်အုပ်ချုပ်ရေး စတင်သည့် ၁၉၈၈ မှစ၍ ကျန်းမာရေးအကြောင်းပြ ချက်ဖြင့် နိုင်ငံတကာမှ တရားဝင် ဇိဝပစ္စည်းများအား သွင်းယူစမ်းသပ်နေသည်မှာ ကြာမြင့်နေပြီဖြစ်သကဲ့သို့ မာနယ်ပလောစစ်ဆင်ရေးနောက်ဆက်တွဲ ၀မ်ခစစ်ဒေသများကို ထိုးစစ်ဆင်ရာတွင် နအဖ အနေနှင့် အဆိုပါ ဇီဝလက်နက်များကို အသုံးပြုသွားကြောင်း အထောက်အထားရှိခဲ့သည်။

ဒုဗိုလ်ချုပ်မှူးကြီးမောင်အေးအား အရပ်ဘက်သို့တိုက်တွန်းပို့ဆောင်ရေးကြိုးပမ်းနေစဉ် ဒုဗိုလ်ချုပ်မှူးကြီး မောင်အေးအနေနှင့် လက်မခံနှိုင်ဘဲ တပ်မတော်ရာထူးမှနှုတ်ထွက်သွားသည်ဟု မိမိတို့သတင်းအဆက် အသွယ်များထံမှ သိရှိရသည်။

သတင်းအတိုအထွာများ

ကာကွယ်ရေးဝန်ကြီးဌာနစီမံကိန်း (ကကကိန်း) မှ ဗိုလ်ကြီးအဆင့်မှ ရဲဘော်အထိ စုစုပေါင်းလူဦးရေ (၇၀) ခန့်အား အင်ဂျင်နီယာတပ်များသို့ခေါ်ယူ၍ ပဲခူးတိုင်းအနောက် ပေါက်ခေါင်းမြို့နယ်မှ အရှေ့ဘက် ၇ မိုင် အကွာရှိ စက်ရုံသို့ ပြောင်းရွှေ့တာဝန်ပေးလိုက်သည်ဟု သိရှိရသည်။

ရန်ကုန်တိုင်းအတွင်းရှိ သတင်းတပ်ဖွဲ့နှင့် ထလရ (နိုင်) ရဲတပ်ဖွဲ့များအား အထူးလေ့ကျင့်သတိပေးလျှက် ရန်ကုန်တိုင်းအတွင်းရှိ နအဖဆန့်ကျင်လှုပ်ရှားလျှက်ရှိသည့် UG အဖွဲ့ပေါင်း ၁၁ ဖွဲ့အား အမြန်ဆုံးရှာဖွေဖော် ထုတ်ဖမ်းဆီးနှိုင်ရန် ရန်ကုန်တိုင်းရဲမှူးကြိး အောင်နိုင်သူမှ အမိန့်ပေးထားရှိကြောင်း သိရှိရသည်။

ရန်ကုန်တိုင်းမင်္ဂလာဒုံမြို့နယ်တွင် အခြေစိုက်ထားသည့် ပင်မယာဉ်သိုလှောင်ရေးတပ်နှင့် ထောက်ပံ့ပို့ဆောင် ရေး (ကကပံ့)မှ တစ်နေ့လျှင် ရိက္ခာတင်ယာဉ်တန်း (၁၅) စီးခန့် အနည်းဆုံးထွက်နေသည်မှာ ၄ ရက်ခန့်ရှိပြီ ဖြစ်ကြောင်း တပ်မတော်သားတဦး၏ အဆိုရ သိရှိရသည်။

၂၀၁၁ ခုနှစ် ဇန္န၀ါရီလ ၁၆ ရက် နံနက် ၃ နာရီအချိန်တွင် ရန်ကုန်မှ နေပြည်တော်အမြန်လမ်းမကြီးအတိုင်း လုံခြုံရေးပွိုင့်ကား ၂ စီးနှင့် စစ်သား ၃၀ ခန့်စီပါသည့်ကားနှစ်စီးတို့ ဓါတ်ငွေ့ဖိုဟုယူဆရသည့်ပစ္စည်းများတင်ဆောင်ထားသည့် ၁၆ ဘီးကားကြီး ၃ စီးတို့ မောင်းနှင်သယ်ဆောင်သွားကြကြောင်း မြင်တွေ့ခဲ့ကြ သည့် ခရီးသွားကားသမားနှင့် ခရီးသည်တို့ထံမှကြားသိရသည်။

ယနေ့သတင်း

၁။ န.အ.ဖ စစ်အစိုးရမှ ကရင်ပြည်နယ် မာနယ်ပလောဒေသအား မိုးကြိုးစစ်ဆင်ရေးအမည်ဖြင့်၎င်း၊ ဝေါလေဒေသအား သန်လျှက်စစ်ဆင်ရေးအမည်ဖြင့်၎င်း ထိုးစစ်ဆင်နေခြင်းဖြစ်သည်ဟု နေပြည်တော် စ.ရ.န ရုံးတွင်းသတင်းအရ သိရှိထားသည်။

၂။ ၂၀၁၀ ဧပြီလက X2O သင်္ကြန်မဏ္ဍပ်ဗုံးခွဲမှုဖြင့် မတရားထောင်ချခံထားရသော စာရေးဆရာလင်းယုန် မောင်မောင်၏မြေး ကိုဇေယျအား စစ်ခွေးတိုက်တွင် ညှဉ်းပမ်းနှိပ်စက်မှုအား ထောင်အာဏာပိုင်တို့က ရပ်တန့်ပေးခြင်းမရှိသည့်အတွက် အင်းစိန်ထောင် ၄တိုက်မှ နေလင်းအောင် BAJF၊ သန့်ဇင်ထွန်း BAJF၊ ၅တိုက်မှ ဇော်မင်းထွန်း NLDနှင့် ၆တိုက်မှ အောင်ကို GW၊ အောင်မိုးလွင် NLD တို့ဦးဆောင်၍ ယနေ့မနက် ပိုင်းမှစတင်ကာ အစာငတ်ခံဆန္ဒပြနေကြကြောင်း သိရှိရသည်။

၃။ မြ၀တီမြို့ DKBA ကလို့ထူးဗြူဟာမှူး ဗိုလ်နှုတ်ခမ်းမွှေး၏ ညာလက်ရုံးဖြစ်သည့် ၂၀၀၉ ခုနှစ်တွင် ၅(ည) ၁၉(က)(ဂ) တို့ဖြင့် ၁၃နှစ် ထောင်ချခံရသည့် ကျော်နိုင် (ခ) ကျော်ကျော်နိုင်အား ဘူးသီးတောင်ထောင်တွင် ထောင်အာဏာပိုင်တို့က မတရားနှိပ်စက်နေသည့်အပြင် အစာအိမ်ရောဂါနှင့် အဟာရချို့တဲ့သည့်ရောဂါများ အပြင်းအထန်ခံစားနေရသည်ဟု သိရှိရသည်။

၎။ အင်းစိန်သီးသန့်ထောင် အဆောင် (၁) တွင် ၂၀၀၇ စက်တင်ဘာ ရွှေဝါရောင်တော်လှန်ရေးတွင် ဦးဆောင်ပါဝင်ခဲ့ပြီး ထောင်ဒဏ် ၁၄ နှစ် ကျခံရသည့် ဦးခေမာစာရ (ခ) ချမ်းသာ၏ ကျန်းမာရေးအခြေ အနေမှာ အမှန်တကယ်ဆိုးရွားလျှက်ရှိကြောင်း သိရှိထားသည်။

၅။ ယနေ့နံနက်တွင် ကရင်ပြည်နယ် ကြာအင်းဆိပ်ကြီးအတွင်းရှိ ရွာငယ်တစ်ခုအား န.အ.ဖ နှင့် နယ်ခြား စောင့် တပ်ဖွဲ့ BGF မှ စတင်မီးရှို့မည်ဟု ကြားသိထားသည်။

တိုက်ပွဲသတင်းများ

ယနေ့မနက် ၁၁ နာရီကျော်လောက်တွင် မြ၀တီတံတားကျိုးဂိတ်အနီးရှိ ခလရ ၃၅၅ စခန်းကို နအဖဆန့်ကျင်သည့် တပ်ပေါင်းစုတစ်ခုမှ ၀င်ရောက်စီးနင်းရာ နအဖ တပ်သား ၆ ဦးကျဆုံး၍ အယောက်နှစ်ဆယ်ခန့် ဒဏ်ရာရရှိသည် ဟု မြန်မာ့တပ်မတော်မှ အရာရှိတဦးထံမှ သိရသည်။

ယနေ့ နေ့လည် ၁၂ နာရီနှင့် ၁ နာရီကြားတွင် မြ၀တီ- သင်္ကန်းညီနောင်ကားလမ်း ဒေါနတောင် အလယ်ဗဟိုရှိ ဆင်ဆွဲလမ်းထိပ်အနီးတွင် နအဖ စစ်သားများတင်ဆောင်လာသည့် Tiger တိုယိုတာဟိုင်းလက်စ်ကားအား ချုံခိုတိုက်ခိုက်ခြင်းခံရ၍ နယ်ခြားစောင့် တပ် Border Guard Force တပ်ရင်း ၁၀၁၈ မှ ရဲဘော် ၄ ဦးပွဲချင်းပြီး သေဆုံးကြောင်းကြားသိရသည်။

မြန်မာပြည်ကနေ အလွယ်တကူ proxy ကျော်ကြည့်နည်းများ

ကိုယ့်ဘာသာကိုယ် ကျော်ခွဆိုဒ် ရှာနည်း

ပြည်တွင်းက မိတ်ဆွေတွေအတွက် ကျနော်တို့ ဒီကနေ တင်ပေးလိုက်တဲ့ proxy ဆိုဒ်တွေကို ခဏခဏအပိတ်ခံနေရတဲ့အတွက် အခက်အခဲတွေ့နေသူတွေအတွက် ကိုယ်တိုင်ရှာလို့ရတဲ့နည်းလေးပါ။ google တို့ yahoo တို့မှာ appspot proxy ဆိုပြီးရိုက်ထည့်ရှာလိုက်ပါ။ Update ဖြစ်တာ အမြဲထိပ်ဆုံးမှာ တင်ပေးထားပါတယ်။ ဒါဆိုကိုယ့်စိတ်ကြိုက်ရွေးပြီး ကျော်ခွနိုင်ပါပြီ။ ဒီ appspot proxy ဆိုတဲ့ စာသားလေးပဲမှတ်ထားရမှာပါ။

Site တွေ တဆင့်ခံပြီး သုံးနည်း

ကိုယ့်ဘာသာရှာလို့ရလာတဲ့ proxy ဆိုဒ်တွေကို တဆင့်ခံသုံးပြီး ကျော်ကြည့်ရဖြစ်ပါတယ်။ proxy ဆိုဒ်တိုင်းမှာ Link လိပ်စာရိုက်ထည့်ပြီး ကျော်ဖို့ အကွက်လေးတွေ ပေးထားပါတယ် ။ အဲ့ဒီမှာ ကိုယ်ဖွင့်ချင်တဲ့ ဆိုဒ် စာကို ရိုက်ထည့်ရမှာ ဖြစ်ပါတယ်။ တော်တော်များများက သိပြီး ဖြစ်မှာပါ။

Proxy Server တွေက Proxy Number တွေကို အမြဲလိုပြောင်းလဲနေတဲ့အတွက် Proxy ကိုသုံးရမှာ ပြဿနာနည်းနည်းရှိပါတယ် ဒါကြောင့် Site တွေ တဆင့်ခံပြီး သုံးလာပါတယ်။

ဒါကတော့ Solakoko ရဲ့  IT Sharing site တစ်ခုကနေ ကူးပေးလိုက်တာပါ http://www.quigonjinn02.appspot.com/

http://quigonjinn03.appspot.com/

http://quigonjinn03.appspot.com/

http://www.october22.host22.com/

http://bumblebee.net16.net/prx/index.php

http://moomoo.net16.net/prx/index.php

http://turkeysoup.webatu.com/prx/index.php

http://www.funkysoup.webatu.com/prx/

http://www.cornpops.netai.net/index.php

http://gamerskangaroo.hostoi.com/prx/index.php

http://www.cornpops.netai.net/index.php

https://ctunnel.com/

http://polysolve.com/

ထိပ်ဆုံက လင့်ခ်တွေကနေ စမ်းသုံးကြပါ

Youtube,Blogger,Ning,Gmail ,etc.. စတာတွေအကုန်ကျော်လို့ ရပါတယ်

ကွန်နက်ရှင်တော့ နဲနဲ ကောင်းဖို့ လိုတာပေါ့

ဒါကတော့ Facebook က ကိုကြည်ဝင်းဆိုတဲ့ အကို တင်ပေးထားတဲ့ဆိုဒ်ကလေးတွေပါ

http://www.iloveim.com/

http://www.instan-t.com/

https://imo.im/

http://www.ebuddy.com/

http://www.meebo.com/

နောက်တစ်နည်းက

koKaungkhant Mintun ဆီကနည်းပါ။

ပထမဆုံးကတော့ Proxy သုံးပြီင်္း ကျော်တဲ့နည်းလေးပါ

Firefox ရဲ့  Tools>>Options>>Advanced>>Network>>Setting ကနေ Manual Proxy Setting ထဲကို Proxy နဲ့ Port ရိုက်ပြီး reload လုပ်ပြီး သုံးတဲ့နည်းပါ မသိသေးတဲ့လူတွေအတွက်ပါ။

ခုဟာက အဆင်ပြေ...တဲ့ Proxy list ကလေးပါ

IP 203.81.81.38 Port 80

IP 203.81.81.49 Port 80

IP 212.93.193.88 Port 443

IP 212.116.220.100 Port 443

IP 212.93.193.89 Port 443

IP 212.93.193.90 Port 443

IP 134.153.184.17 Port 443

IP 212.116.220.149 Port 443

IP 192.18.102.59 Port 443

IP 212.93.193.82 Port 443

IP 212.93.193.83 Port 443

IP 212.93.193.72 Port 443

အဆင်ပြေမှာပါ မပြေရင်လည်း ပြောပေါ့ဗျာ ကျော်နိုင် ခွနိုင်ကြပါစေ။
Information & Technology Network (Facebook Group)

ယနေ့သတင်း

ဆုံဆည်းရာ၊ ၉ ရက် ဇန်န၀ါရီလ ၂၀၁၁

သတင်း
နေ့လည် (၁၂ နာရီ ၁၀ မိနစ်) ယခုတိုက်ခိုက်နေသည့် ကရင်ပြည်နယ်အတွင်းရှိ နအဖ ရဲ့ စစ်ဆင်ရေးများတွင် လက်နက်ကြီးကျရောက်သည့် ကိုက်တရာအတွင်းရှိ လူများ နားစည်များမှ သွေးယိုသည့် ဓါတုလက်နက်ပစ္စည်းများ စမ်းသပ်အသုံးပြုမည်ဟု ကောလဟာလ သတင်းများထွက်ပေါ်နေကြောင်း သိရှိရသည်။

နံနက် (၁၁ နာရီ ၅၀ မိနစ်) နအဖ ဘက်မှ ကရင်ပြည်နယ်အတွင်း ဖြစ်ပွားသော ယခု စစ်ဆင်ရေးများတွင် အင်းစိန်ထောင်၊ မော်လမြိုင်ထောင်၊ ဘားအံ(တောင်ကလေး)ထောင်တို့မှ အကျဉ်းသားများအပြင် လက်နက်ရိက္ခာသယ်ယူရန်နှင့် လူသားမိုင်းရှင်းကိရိယာအဖြစ် အသုံးပြုရန် အကျဉ်းသားများမလုံလောက်သဖြင့် တောင်ငူထောင်မှ အကျဉ်းသားများကိုလည်း ထပ်မံခေါ်ယူထားကြောင်းသိရှိရသည်။

နံနက် (၁၁ နာရီ ၄၀ မိနစ်) နအဖ စစ်ဆင်ရေးနဲ့ ကွပ်ကဲရေးဌာန လက်အောက်ခံတပ်ရင်းများ ကေအန်ယူ တပ်မဟာ (၁)၊ တပ်မဟာ (၆)နဲ့ တပ်မဟာ (၇) နယ်မြေတွေကို ယမန်နေ့ကနေ့စတင်ပြီး အင်အားအလုံးအရင်းနဲ့ တပြိုင်နက် ထိုးစစ်ဆင်လာတာတွေ့ရပါတယ်။
- နအဖ တပ်များမှာ စကခ(၁၂) နည်းဗျူဟာ(၁)နှင့် (၂)လက်အောက်ခံ ခလရ(၂၃၁)၊ ခမရ(၅၄၆)၊ ခမရ (၅၄၈)၊ ခမရ(၅၄၉)၊ ခမရ(၃၅၆)၊ ခမရ(၃၅၇)နှင့် ခမရ(၅၄၅) တပ်ရင်းများဖြစ်ပြီး ကေအဲန်ယူ၊ ဒီကေဘီအေတပ်များနှင့် ထိပ် တိုက်ရင်ဆိုင်နေရသည့် နအဖတပ်များမှာ
- စကခ(၁၉) နည်းဗျူဟာ(၂)မှ ခလရ(၂၉၉)မှ ချူကလီးဒေသတွင် ထိုးစစ်ဆင်၊
- ခမရ(၅၈၆)မှ အူးကလေးထာ့ရွာတွင် အခြေစိုက်လှုပ်ရှားနေပြီး ဖားအံမြို့အခြေစိုက် လှုပ်ရှား၊
- နအဖ တပ်မ(၂၂) လက်အောက်ခံ နည်းဗျူဟာ(၂၂၂) လက်အောက်ခံတပ်ရင်းများဖြစ်သည့် ခမရ (၂၀၉)၊ (၂၀၁)၊ (၂၀၂)နဲ့ (၂၀၅)တပ်ရင်းမှာ ကမမောင်းကျေးရွာဘက်သို့ ထိုးစစ်ဆင်လှုပ်ရှား၊
- မာနယ်ပလော နယ်မြေတွင် စစ်ဆင်ရေး လှုပ်ရှားဖို့အတွက် နည်းဗျူဟာ(၂၂၃)သည် ရှမ်းရွာသစ်ဘက်တွင် ထိုးစစ်ဆင်ပြီး၊
- နည်း ဗျူဟာ(၂၂၃) လက်အောက်ခံတပ်များဖြစ်သည့် ခလရ(၈၁)၊ ခမရ(၂၀၄)၊ (၂၀၈) တပ်များမှာ ဆင်ဖြူတောင်(ကဆောဝါးလေး)ဒေသ ဘက်သို့ ထိုးစစ်ဆင်နေကြောင်း သိရှိရသည်။

နံနက် (၁၁ နာရီ ၃၅ မိနစ်) ယမန့်နေ့က ဝေါလေဒေသ ဖလူးကျေးရွာနားမှာ နအဖ တပ်တွေနဲ့ ဒီကေဘီအေ တိုက်ပွဲတွေ ပြင်းထန်စွာဖြစ်ပွားခဲ့ပါတယ်။ ယမန့်နေ့ မနက်ပိုင်းမှ စပြီး နအဖ စစ်တပ်တွေ ဒီကေဘီအေတပ်တွေကို အရှိန်အဟုန်မြင့်ပြီး တိုက်ခိုက်လာတာတွေ့ရပါတယ်။

သတင်းအတိုအထွာများ

မန္တလေး-မိုးကုတ်ကားလမ်း သပိတ်ကျင်းအကျော် ဇရပ်ကွင်းရွာအနီး ယူရေနီယံထွက်တဲ့တောင်ကြောမှာ နအဖက စက်ရုံတခုကို ဇန္န၀ါရီလထဲမှာ အပြီးသတ်မယ်လို့ ဒေသခံတဦးကပြော။ အဲဒီနေရာကထွက်တဲ့ ယူရေနီယံက ၇၀ ရာခိုင်နှုန်း သန့်စင်တယ်လို့လည်း ပြောပြခဲ့။

ဒီဇင်ဘာလကုန်မှာ အင်းစိန်၊ ပေါင်းတည်၊ ပြည်၊ သရက်၊ သာယာဝတီထောင်တွေက အကျဉ်းသားပေါ်တာတွေကို ရှေ့တန်းကိုလွှတ်မယ်ကြားထား။ အခု ဝေါ်လေဒေသဘက်ကို ရောက်လာတဲ့ ပေါ်တာအများစုဟာ သူတို့တွေဘဲဖြစ်ရမယ်။

ခမရ(၂၀၈)အပါအ၀င် တပ်မ (၂၂) လက်အောက်ခံ တပ်ရင်း (၄) ရင်းကို လာမည့် ဇန္န၀ါရီလ (၆) ရက်နေ့နောက်ဆုံးထားပြိး ဝေါ်လေဒေသ စစ်မြေပြင်ကို အင်အားဖြည့်လာဘို့ရှိတယ်လို့ တပ်မှူးတဦးထံက ကြားသိထားပါကြောင်း။

ကိုကျော်သူရဲ့စာသားများ

၂၀၁၁ ခုနှစ်၊ ဇန်န၀ါရီလ (၁) ရက်နေ့ နှစ်သစ်ရက်မြတ်နေ့ရက်က အမေဒေါ်အောင်ဆန်းစုကြည် ရေးဆွဲပေး သွားသည့် ဆီဆေးပန်းချီကားကို ယနေ့ တိုင်ခံစားကြည့်ရှုရင်းနှင့် ပေါ်ပေါက်လာသော ကျွန်တော်ရဲ့ နှလုံးသားထဲမှ စကားလုံးများပါ။

ကျော်သူ။

လွတ်လပ်ရေး ကျေညာစာတမ်းမူရင်း

အောင်စေသတည်း

၁။ မြန်မာသက္ကရ်ာဇ် ၁၃၀၉ ခုနှစ် ပြာသိုလဆုတ် ၉ ရက် (အင်္ဂလိပ် သက္ကရာ် ၁၉၄၈ ခုနှစ် ဇန်န၀ါရီလ ၄ ရက်) တနင်္ဂနွေနေ့ ကောင်းမြတ်သန့်စင် မင်္ဂလာအပေါင်းနှင့် ပြည့်စုံသော အခါ၌ ဤငါတို့ မြန်မာပြည်သည် လုံးဝ လွတ်လပ်သော အချုပ်အချာ အာဏာပိုင် ပြည်ထောင်စုသမ္မတ မြန်မာနိုင်ငံတော်ကြီး အဖြစ်သို့ ရောက်ပြီ။

၂။ ဤငါတို့ မြန်မာနိုင်ငံတော်ကြီးသည် လိုရာမတ ပြည့်စုံလှ၍ ဘူမိနက်သန်မှန်သော မြေထူးမြေမြတ် လည်းဖြစ်၏။ မွန်မြတ်သန့်စင်သော တရားထူး တရားမြတ်တို့တည်ရာ မြေကောင်းမြေမွန်လည်း မှန်၏။ မြေတွင်း မြေပြင် အထူးထူးသော ရတနာအပေါင်းတို့နှင့် ပြည့်စုံသဖြင့် သတ္တ၀ါအပေါင်းတို့ ဆွတ်ယူစားသုံး ကမ္ဘာဆုံးသော် လည်း မသုဉ်းမကုန် နိုင်သော ပဒေသာစစ် အနှစ်သာရ ကြွယ်ဝပြည့်စုံသော မြေလည်းဖြစ်၏။ ဘူမိနက်သန် မှန်လှ ထူးချွန် ဤမြေမွန်မြေမြတ်၌ ရှမ်း၊ ကချင်၊ ကရင်၊ ချင်း၊ မွန်၊ မြန်မာ စသည်ဖြင့် တသွေးတသား တမိဘ ဖြစ်ကြကုန်သော ငါတို့သည် နှစ်ပေါင်းထောင်ရာ သင်္ချာပွားတက် ရေတွက်ခြင်းငှာ မတတ်နိုင်ရာသော ရာဇ၀င် ရှည်ဝေး ရှေးပဝေဏီမှစ၍ တညီတညွတ် တစုတရုံး လွတ်လပ်သော လူမျိုးအဖြစ် တည်ခဲ့ကြ၏။ တကောင်း၊ သရေခေတ္တရာ၊ ပုဂံ၊ မြင်စိုင်း၊ စစ်ကိုင်း၊ ပင်းယ၊ အင်းဝ၊ ကုန်းဘောင် ထို့နောက် မန္တလေးအထိ ငါတို့၏ လွတ်လပ်ရေးသည် နေရောင်လ၀ါ ပမာကဲ့သို့ တဖြာဖြာတ၀င်းဝင်း ကမ္ဘာချဉ်းအောင် ထွန်းလင်းခဲ့ပေ၏။ သို့ရာတွင် ကမ္ဘာ့တန်ဆာ ကာလအင်္သချေ တည်နေအပ်သော နေမင်းသူရိယာ လစန္ဒာတို့ပင် ဆီးနှင်းမြူတိမ် ဖုံးအုပ်၍ ခေတ္တခဏ အရှိန်အ၀ါ ညှိုးလျော်နွမ်းလျ မထွန်းမပ ဖြစ်ဘိသကဲ့သို့ ငါတို့၏လွတ်လပ်သော မြန်မာ နိုင်ငံတော် သည်လည်း လွန်ခဲ့သည့် နှစ်ပေါင်းလေးရာခန့်က ဥရောပတိုင်မှ ထွက်ပေါ်လာ၍ တကမ္ဘာလုံးကို ရစ်ပတ်အုပ်ဖုံးခဲ့သော နယ်ချဲ့ဝါဒကြီးနှင့် မရှောင်မကွင်းသာ ကြုံကြိုက်ဆုံတွေ့မိ၍ ပဌမ အင်္ဂလိပ်-မြန်မာစစ်၌ ရခိုင်-တနင်္သာရီ၊ ဒုတိယ အင်္ဂလိပ်-မြန်မာစစ်၌ ဟံသာဝတီ-ပဲခူး၊ တတိယ အင်္ဂလိပ်-မြန်မာစစ်၌ မန္တလေးရတနာပုံ သုံးကြိမ်သုံးတန် ချအပ်ရခြင်းဖြင့် ဤမြေထူမြေမြတ်၌ နှစ်ပေါင်းထောင်ရာ စောင့်ထိန်း၍လာခဲ့ကြသော ငါတို့၏ လွတ်လပ်ရေးသည် ငါတို့လက်မှလွတ်၍ လက်အောက်ခံဘ၀သို့ လုံးဝရောက်ခဲ့ကြရသည်။ သို့သော် နေမင်း သူရိယာ လစန္ဒာတို့ကို ဆီးနှင်း မြူတိမ်တို့သည် မည်သို့ပင် ဖုံးလွှမ်းစေကာမူ နေလတို့၏ အရှိန်အတောက်ကို မခံနိုင်ရကား ခေတ္တမျှနှင့်ပင် လွင့်စင်ကွယ်ပျောက်၍ နေ၀ါလရောင်သည် ပကတိအရေကို ပြန်၍ဆောင်လေ ဘိသကဲ့သို့ ငါတို့အပေါ်၌ လွှမ်းဖုံးအုပ်သော နယ်ချဲ့ဝါဒသည် ငါတို့၏ ကမ္ဘာရှည်မြင့် ရင့်မာလှသော လွတ်လပ်ရေး စိတ်ဓါတ်၏ အရှိန်အတောက်ကို မခံနိုင်ရာကား ခြောက်ဆယ့်တနှစ် တလနှင့် တရက်သော အခိုက်အတန့် ကလေးမှာပင် အလိုအလျောက် ကွယ်ပျောက်သွားရသဖြင့် ဤနေ့ဤအခါမှစ၍ ငါတို့သည် အသူရိန် ခံတွင်းမှ ရှင်းရှင်းကြီး လွတ်မြောက်အပ်သော လပြည့်စန်းပမာ သန့်ရှင်းစင်ကြယ် ချမ်းမြေ့သာယာစွာဖြင့် လုံးဝ လွတ်လပ် သော ဘ၀ထူး ဘ၀မြတ်ကို လက်ဆုပ်လက်ကိုင် အပိုင်ရရှိကြပြီ။
၃။ ယခု ငါတို့ရရှိအပ်သော လွတ်လပ်ရေးသည် ရေတွင်ရုပ်ရေး မြသွေးကောင်းကင် တိမ်ရိပ်ထင်သကဲ့ သို့သော လွတ်လပ်ရေး မဟုတ်။ ငါတို့အား လွတ်လပ်ရေးလမ်းစဉ်သို့ ညွှန်လည်းညွှန်ပြ လမ်းစရှာကြံ အမြန် ရောက်အောင် ပို့ဆောင်ခဲ့ကြပေသော ဗိုလ်ချုပ်အောင်ဆန်းနှင့်တကွ အ၀၀သော ကူးတို့မှူး ခေါင်းဆောင်ကြီးတို့၏ မဆုတ်မနစ်သောလုံ့လ၊ မလျော့သောဝိရိယ၊ ဆီမီးတန်ဆောင်ကဲ့သို့ ထွန်းပအပ်သော ဥာဏ်မျက်စိ၊ ၀ဇီရစိန်သွား ကဲ့သို့ စူးရှသောသတ္တိတို့ကြောင့် အဟံမမ သံပကြုံးဝါး အခြားအခြားလွတ်လပ်သော နိုင်ငံကြီးတို့နှင့်တန်းတူ မြူ တခြမ်းမျှ မလျော့မလို ထိုထိုသော တန်ခိုးရှိန်ဝါ တေဇာအပေါင်းတို့နှင့် ပြည့်စုံသော အချုပ်အချာတည်း ဟူသော အာဏာထူးအမြတ်ကို ငါတို့လက်ကိုင် အပိုင်ရရှိကြပြီ။

၎။ ငါတို့သည် တမျိုးဘာသာ တစိတ်တဒေသ၏ ကောင်းကျိုးချမ်းသာကို မလိုလား။ ကျောသားရင်သား သူကားငါကား ခွဲခြားခြင်းကို အလိုမရှိ။ မြစ်ချောင်းသီတာ သမုဒ္ဒရာတောင်တန်းတို့ဖြင့် ကမ္ဘာ့ဓမ္မတာ သဘာဝ အပိုင်းအခြား ထင်ရှားစွာ သတ်မှတ်အပ်သော ရာဇ၀င်ရှည်ဝေး ရှေးပဝေဏီမှစ၍ ယခုထက်တိုင် မြန်မာနိုင်ငံသား ဟု သမုတ်အပ်သူ တိုင်းရင်းသားအပေါင်းတို့ ဇာတိချက်ကြွေ နေထိုင်ရာ မြန်မာနိုင်ငံတော် တ၀ှမ်းကို တသွေး တသားတည်းဟူသော ကြိုးထူး၊ တစိတ်တ၀မ်းတည်းဟူသော ကြိုးထူး၊ အလိုအလျောက် သဘာဝ အထောက် အပံ့ဖြင့်သာလျှင် ဖြစ်ပေါ်အပ်သော စေတနာ တည်းဟူသော ကြိုးထူး၊ ဤကြိုးသုံးပါးဖြင့် ကမ္ဘာဆုံးတိုင် မြဲခိုင် တည်တံ့အောင် ရစ်ပတ်ဖွဲ့စည်းအပ်သော ပြည်ထောင်စုအဖြစ်ကို လက်ဆိုက်လက်ကိုင် ငါတို့ အပိုင်ရလေပြီ။

၅။ ငါတို့နိုင်ငံတော်ကြီးသည် မည်သူတဦးတယောက် တဖွဲ့တသင်း၏ အမွေအနှစ် မဟုတ်။ မည်သူ တဦး တယောက် တဖွဲ့တသင်း၏ ပုဂ္ဂလိက အပိုင်ပစ္စည်း မဟုတ်။ မည်သူ တဦးတယောက် တဖွဲ့တသင်းက ချုပ်ကိုင် အနိုင်သိမ်းယူ အကျိုးခံစားအပ်သော နိုင်ငံ မဟုတ်။ အတိတ်ကာလက၎င်း၊ ယခုမျက်မှောက်တွင်၎င်း၊ နောင်လာ လတ္တံ့သော အနာဂတ်ကာလ၌၎င်း ငါတို့ပြည်ထောင်စုကြီးအတွင်း၌ မှီတင်းနေထိုင်ကြသော ကြီးငယ်ဝေးနီး ကျား-မ မခြား သစ္စာတော်ခံ နိုင်ငံသားဟူသရွေ့ ဒို့၏အမွေအနှစ် အပိုင်ပစ္စည်း အကျိုးခံစားရာ ဖြစ်သည်ဟူသော လူ့ ဘာသာ၊ လူ့တရားနှင့်အညီ ကမ္ဘာဦးကာလ လူတို့၏စည်းရုံးမှု၌ လူအပေါင်းတို့၏ သဘောဆန္ဒအရ လူအ၀ှမ်း၏ အကျိုးကို ကောင်းစွာဆောင်ရွက်နိုင်အံ့သော ပုဂ္ဂိုလ်ကို ရွေးကောက်၍ သမ္မတ တင်မြှောက်ကြသော မဖောက် မပြန် မစွန်းမငြိ ပကတိ သန့်ရှင်းဖြူစင်သော မူလလူ့ဝါဒနှင့်လျော်စွာ စည်းကမ်းဥပဒေ သေချာထင်ရှားစွာ ပိုင်းခြား သတ်မှတ် တူညီသောတရား၊ တူညီသောအခွင့်အရေး၊ တူညီသောအဆင့်အတန်းအားဖြင့် ကမ္ဘာအရှည် တည်စိမ့် သောငှာ လူအပေါင်းတို့၏ ဆန္ဒသာလျှင် အဓိကဖြစ်သော၊ သမ္မတမြန်မာနိုင်ငံတော် တည်းဟူသော မြတ်သော အဖြစ်ကို လက်ဆုပ်လက်ကိုင် ငါတို့အပိုင်ရပြီ။

၆။ သိကြကုန်လော့။ ယနေ့ မင်္ဂလာအပေါင်းနှင့် ပြည့်စုံသော ဤအချိန်မှစ၍ ငါတို့၏မူလအပိုင်ဖြစ်သော လုံးဝ လွတ်လပ်ရေးကို ငါတို့ပြန်၍ ယူပြီ။ တိုင်းရင်းသားအပေါင်းတို့ သွေးစည်းညီညွတ်လျက် အခွင့်အရေး၊ အဆင့်အတန်း တူညီသည့် ပြည်ထောင်စုသမ္မတမြန်မာနိုင်ငံတော်ကြီးကို တည်ထောင်ပြီ။ ငါတို့လွတ်လပ်ရေးနှင့် ငါတို့နိုင်ငံတော်ကြီး၏ သစ္စာကို ကမ္ဘာဆုံးတိုင် မယိမ်းမယိုင်တည်မည်။ ငါတို့သည် လွတ်လပ်သောနိုင်ငံ ဖြစ်သည် နှင့်အညီ ကမ္ဘာ့လွတ်လပ်သော နိုင်ငံအပေါင်းတို့ တရားသဖြင့် ကျင့်ဆောင်အပ်သော ကျင့်ဝတ်ကို စောင့်ရှောက် ကျင့်ဆောင်မည်။ ငါတို့၏ လွတ်လပ်ရေးကို ငါတို့ ချစ်မြတ်နိုးသည်နှင့်အညီ တပါးသူတို့၏ လွတ်လပ်ရေးကိုလည်း ငါတို့ လေးစား စောင့်စည်းမည်။ ငါတို့သည် ငြိမ်းချမ်းရေးကို အလိုရှိသည်နှင့်အညီ ငါတို့ကဲ့သို့ လိုလားသူများနှင့် လက်တွဲ၍ ကမ္ဘာ့ငြိမ်းချမ်းရေးကို ကာကွယ်စောင့်ရှောက်မည်။

ဤ ငါတို့ ကျေညာချက်ကို တကမ္ဘာလုံး တယောက်မကျန် ကြားသိစေသတည်း။

ထုတ်ပြန်ကြေညာချက်