မြန်မာပြည်တွင်းရှိ နအဖအတွင်း လုံခြုံစိတ်ချရသည့် မိမိတို့ဧ။် သတင်းရပ်ကွက်တခုမှ သတင်းအရ ဗိုလ်ချုပ်မှူးကြီးသန်းရွှေအနေနှင့် ယခင်သတင်းထွက်ထားသည့် ဒီဇင်ဘာလလောက်အတွင်းပြုလုပ်မည့် ၄င်းတို့ပြောသည့်ရွေးကောက်ပွဲအား ယခုအခါ အစီအစဉ်ရှိရှိ ပြောင်းရွှေ့မည်ဖြစ်ကြောင်းသတင်းရရှိထားသည်။
မူလက အစီအစဉ်ရှိရှိဖြင့် နိုင်ငံခြားသံတမန်များ၊ သံရုံးဝန်ထမ်းများ၊ ကုလသမဂ္ဂ၀န်ထမ်းများနှင့် အခြား အန်ဂျီအိုအဖွဲ့အစည်းများရှိ ၀န်ထမ်းများ အိမ်ပြန်ချိန်ဖြစ်သည့် ခရစ္စမတ်နှင့် နှစ်သစ်ကူးအချိန် နှစ်ကုန်ပိုင်း ဒီဇင်ဘာလ၀န်းကျင်တွင် နအဖအနေနှင့် ရွေးကောက် ပွဲအား ကျင်းပရန်ဆန္ဒရှိသော်လည်း ယခုအခါ ဗိုလ်ချုပ်မှူးကြီးသန်းရွှေဧ။် အပါးတွင်ခစားသည့် အခါပေးတို့ဧ။် အလိုအရ လာမည့် အောက်တိုဘာလ ၁၀ ရက်နေ့တွင် ကျင်းပပြုလုပ်သွားမည်ဖြစ်ကြောင်း သိရှိရသည်။
ထိုဆယ်ဂဏန်းများအား ရွေးချယ်ပြုလုပ်သည့် ရည်ရွယ်ချက်တခုမှာ တိုင်းပြည်အား ဆယ်ယူမည်ဟူသည့် အတိတ်ဖြင့် ဆယ်ဂဏန်းများဖြစ်သည့် ၁၀၊၁၀၊၂၀၁၀ ကိုရွေးချယ်ထားခြင်းဖြစ်ကြောင်း ထိုသတင်းကိုပေးပို့လာသူမှ ပြောပြခဲ့သည်။ သို့သော် အခြားတဘက်မှကြည့်မည်ဆိုပါကလည်း နအဖတို့အနေနှင့် ၄င်းတို့တိုင်းပြည်ပေါ် နေရာမဖယ်ရရေး အလွန့်အကျွံ လုပ်ဆောင်ထား၍ ပျက်စီးနေသည့် နာမည်အား သူ့တို့ကိုယ်သူတို့ဆယ်မည်ဆိုသည့် အဓိပ္ပါယ်ပင်ဖြစ်သည်။
နောက်တခုမှာလည်း ဖဲအသုံးအနှုန်းဖြစ်သည့် ဘူနှင့်လိမ်မှရမည်ဟုလည်းဖြစ်ကြောင်း အကြောင်းတချက်လည်းပါရှိနေသည်ဟုဆိုသည်။ သို့သော် ဂဏန်းများအားလုံးပေါင်းလျှင် ၅ ဖြစ်နေသဖြင့် ၄င်းဂဏန်းမှာ မြန်မာနိုင်ငံတွင် လူထုတိုက်ပွဲဖြစ်ပေါ်ခဲ့သည့် ၈၈၈၈ ရှစ်လေးလုံးပေါင်းလဒ်နှင့် တထပ်တည်းတူနေသဖြင့် ၅ ကိုတန်ပြန်သည့်သဘောလားဟု မေးစရာရှိသည်။ အကယ်၍ဤသတင်းမှန်ပါက လက်ရှိ နအဖပံ့ပိုးမှုဖြင့် ရွေးကောက်ပွဲဝင်မည့် ကြံ့ဖွတ်ပါတီကို ယှဉ်ပြိုင်မည့် အခြားပါတီတို့အနေနှင့် ရွေးကောက်ပွဲအနိုင်ရရေး ပြင်ဆင်ချိန်မှာ ၆ လမျှသာရှိတော့သဖြင့် နအဖအလိုကျအတိုင်း တသွေမတိမ်းဖြစ်လာမည့်အနေအထားဖြစ်စေရေး အနေအထားဖြစ်နေပေသည်။
နအဖအနေနှင့် အာဏာတည်မြဲရေးအတွက် တိုင်းပြည်အား ဗေဒင်ယဒယာအခါပေးတို့၏ အကြံဥာဏ်အတိုင်း နှစ်ပေါင်းများစွာ အရှက်မရှိလိုက်လုပ်နေကြသဖြင့် ၄င်းတို့၏ နောက်ဆက်တွဲ အကျိုးဆက်မှာ မည်သည့်အခါမျှ အများပြည်သူအတွက် အကျိုးမရှိစေသည့် လုပ်ရပ်များသာဖြစ်နေသဖြင် မိမိတို့အားလုံး သတိရှိရှိပြင်ဆင် တိုက်ပွဲဝင်မှသာ အများလွတ်မြောက်ရေးအကျိုး သယ်ပိုးနှိုင်မည်ဖြစ်ပါကြောင်း။
No comments:
Post a Comment